Agosto 18, 2003
MAY text ang reader nating si Liwayway S. Lipata ng Tondo para kay Linda
Sanidad ng Salawag, Cavite.
Nabasa kasi ni Liwayway ang sinabi ni Linda na "Ang mga Katoliko mga
mamamatay tao, magnanakaw, switik, mangangalunya kasama ang mga PARI. Nasaan ang
aral?"
Pareho kami ng tanong ni Liwayway. Heto ang sabi niya, "Para kay Linda. Ano
ang batayan [sa mga sinabi mo]?"
At narito na nga ang sagot ni Linda. Ganito ang sabi niya, "’Di ka naman
siguro bulag, G. Bibe para hanapin pa ang batayan. Nakapaligid sa iyo! Maski
nakapikit kitang-kita mo."
"Mag-survey ka sa piitan, presinto, sugalan, inuman, mga sangkot sa
corruption, bawal na droga. Itanong mo kung ano ang religion nila."
"Tungkol sa ‘di pagtaliko ng Iglesia at kalikasan ni Hesu Kristo,
magkasangayon tayo."
"Ukol naman kay Bro. Eli, harap ka sa debate."
Salamat sa mga text ninyo, Liwayway at Linda.
Kaya lang ay nalulungkot ako sa "BATAYAN" na ginamit ni Linda sa pagbibintang
sa mga Katoliko.
Unang-una, ano ba ang batayan para masabi na Katoliko o hindi Katoliko ang
isang tao? Porke ba sinasabi ng isang tao na Katoliko siya ay Katoliko na talaga
siya?
O ang batayan ba ay kung SUMUSUNOD siya o hindi sa mga ARAL ng Iglesia
Katolika?
Kung ang batayan kasi ay ang pagsasabi lang ay WALANG MALINIS na samahan.
Isa pa, TAMA BA na ang gawain ng iilan ay IBINTANG na sa LAHAT?
Nakikita ko na naniniwala ka sa grupo ni Eliseo Soriano. Siguro ay napanood
mo na kung paano INAGAW ng ISANG OPISYAL ng samahan na iyan ang ASAWA ng isa
pang miyembro.
Sa katunayan, ang MANG-AAGAW ay KAPATID pa ng isa sa mga OPISYAL ni Soriano.
Hindi lang ‘yon. Mismong si Soriano at ang KAPATID ng MANG-AAGAW ng ASAWA
ang tumawag doon sa MANG-AAGAW na KALUNYERO o MANGANGALUNYA.
ISANG OPISYAL ng samahan ang NANGALUNYA at NANG-AGAW ng asawa ng isang
miyembro.
Ang pangyayaring iyon ay INULIT-ULIT pa sa TV at NAKITA ng LAHAT.
Ngayon, ang ibig mong sabihin, Linda, ay PUWEDE NANG SABIHIN na ANG MGA
MIYEMBRO NG ANG DATING DAAN AY MGA KALUNYERO?
Ayan, MALINAW na BATAYAN iyan na may NANGALUNYA sa mga tao ni Soriano. Sila mismo
ang NAGBIGAY ng BATAYAN.
Isa pang insidente ng PANGANGALUNYA sa grupo ni Bro. Eli. May miyembro riyan
na ARTISTA na NAKIKISAMA bilang ASAWA sa isa pang artista na MAYROON NANG NAGING
ASAWA. Hindi sila kasal.
Sa katunayan ay mayroon na silang mga anak na KAMBAL PA sa kabila na HINDI
SILA KASAL.
O, hindi ba PANGANGALUNYA ‘YON?
NGAYON, PUWEDE na bang sabihin na KALUNYERO at NAKIKISAMA sa may asawa ang
mga miyembro ng Ang Dating Daan?
At dahil naniniwala ka rin kay Bro. Eli, ang ibig mo bang sabihin ay KASAMA
KA sa mga KALUNYERO at NAKIKISAMA sa MAY ASAWA?
HINDI. Magiging UNFAIR ito sa LAHAT ng miyembro ng samahan ni Soriano na
sabihin ang ganoon.
HINDI PUWEDENG LAHATIN ang mga miyembro dahil lang may ilang miyembro rin daw
na gumagawa ng hindi tama.
Nakikita mo ba ang punto, Linda?
Ngayon, kung IGIGIIT MO ang PAGBIBINTANG sa lahat ng KATOLIKO dahil may ilang
NAGSASABING Katoliko sila na nakakulong o gumagawa ng masama, LALABAS NA
KALUNYERA KA RIN kung miyembro ka na ni Eli.
Uulitin ko lang ang sabi ng Panginoon sa Matthew 7:1-2.
Sabi sa mga talata, "HUWAG KAYONG HUHUSGA o kayo man ay huhusgahan. Dahil
kung PAANO KAYO HUMUSGA sa iba KAYO MAN AY HUHUSGAHAN. At ang panukat na inyong
gagamitin ay GAGAMITIN DIN SA INYO."
Sabi mo, Linda, mag-survey ako sa mga kulungan at presinto. Ang sinasabi mo
ba ay NAG-SURVEY ka na at NALAMAN mo na LAHAT ng NAKAKULONG at mga KRIMINAL ay
mga Katoliko LANG?
Huwag mo sanang sabihin na ang BATAYAN mo ay HAKA-HAKA mo lang dahil SERYOSO
ang mga bintang mo laban sa mga Katoliko.
Ngayon, sa kabila ng mga PAGGIGIIT mo na mga kriminal ang mga Katoliko,
NANINIWALA ako na NAIMPLUWENSIYAHAN ka lang ng MALING ARAL.
NANINIWALA ako na NABAHIRAN ka lang ng "MASAMANG LEBADURA" na nag-uudyok sa
iyo na maging MAPANGHUSGA at MAPANIRANG PURI.
Makinig tayo sa sinasabi ng Panginoon sa Matthew 7:1-2 at HINDI SA MALING
ARAL.
Ngayon, sa isyu ng debate kay Bro. Eli. Hindi mo marahil alam na
IPINAGBABAWAL ng Bibliya ang uri ng debate na ginagawa ng grupo niya.
Sabi sa 2 Timothy 2:23, "HUWAG kang MAKIKISALO sa mga hangal at mangmang na
PAGTATALO dahil alam mong nagbubunga lang ang mga ito ng pag-aaway-away."
Walang hahantungang mabuti ang ganyang mga pagtatalo.
Pansinin mo, ang nananalo lang sa ganyan ay ang MAGALING MANG-ASAR at
MAMILOSOPO. Nananalo siya dahil MAGALING siyang MAKIPAGTALOat HINDI dahil tama
siya.
No comments:
Post a Comment