Mag-ingat sa huwad na propeta

HULYO 27, 2003


SINO sa inyo ang gustong MALOKO? Sino ang gustong mapunta sa Impiyerno?

Sana naman ay WALA. Maging ako ay ayaw na mahulog sa dagat-dagatang apoy.

Ang masaklap ay mayroong KAAWAY na hindi tumitigil sa panlilinlang para makabiktima ng mga taong nagmamahal sa Diyos.

Ang mga ‘yan ang tinatawag sa Bibliya na mga "huwad na propeta" at "huwad na mangangaral.

Mismong ang Panginoong Hesus ay paulit-ulit na nagbababala laban sa mga iyan sa Matthew 7:15; 24:11 at 24:24.

Sa 7:17 ay sinabi niya, "MAGBANTAY laban sa mga HUWAD NA PROPETA. DUMARATING SILA na nakadamit tupa pero sa loob sila ay MABABANGIS NA ASONG GUBAT."

Nakakalungkot ang pahayag ni Kristo sa Mt 24:11. Ang sabi niya, "MARAMING huwad na propeta ang LILITAW at LILINLANG ng MARAMI."

Pero mas nakababahala ang sinabi Niya sa Mt 24:24: "Dahil MARAMING HUWAD na KRISTO at HUWAD na PROPETA ang LILITAW at GAGAWA ng mga KAMANGHA-MANGHANG mga TANDA at HIMALA para LINLANGIN MAGING ang mga PINILI kung iyon man ay maaari."

Kaya nga inuuna na Niya ang BABALA NOON PA MAN nang sabihin Niya sa Mt 24:25, "TINGNAN ninyo, SINASABI KO NA BAGO PA MANGYARI."

Ano ang kahulugan ng mga pahayag Niyang ito?

Kung papansinin natin, dito rin sa Ebanghelyo ni Matthew ipinahayag ni Kristo ang PAGTATATAG Niya ng Kanyang IGLESIA. (basahin sa Mt 16:18)

Ibig sabihin, ang pahayag laban sa mga "huwad na propeta" ay may kaugnayan sa PAGTATATAG Niya ng TUNAY na IGLESIA.

Ang sinasabi ng Panginoon ay DARATING at LILITAW ang mga HUWAD na PROPETA MATAPOS Niyang ITATAG ang Kanyang Iglesia.

+ + +

Ano naman ang gagawin ng mga "huwad na propeta" na ito?

Pangunahin dito ay guluhin ang Iglesia at MAGPASOK ng mga aral na HINDI AYON sa mga ibinigay ni Kristo at ng mga Apostol.

Halimbawa riyan ang aral na BIBLIYA LANG daw ang DAPAT na BATAYAN ng PANANAMPALATAYA.

Kung babasahin naman natin ang Bibliya, MISMONG ito ay SUMASALUNGAT SA "ARAL" NILANG ITO. MALIWANAG kasing sinasabi sa 2 Thessalonians 2:15 may mga aral na SA SALITA (ORAL) at ARAL SA SULAT (diyan kasama ang BIBLIYA).

Pero mayroong mga nagigiit na DAPAT BALEWALAIN ang ARAL SA SALITA.

At bakit nila ito gustong balewalain? Ito ay dahil HINDI SILA NAKATANGGAP NITO.

Ang ARAL SA SALITA ay IBINIGAY at TINANGGAP LANG ng mga KASAPI ng IGLESIA na ITINATAG ni Kristo.

Kaya nga HINDI NAKAKAPAGTAKA na AYAW RITO ng mga HINDI kasama sa ORIHINAL na PANANAMPALATAYA.

KINUKUTYA ng mga HUWAD NA PROPETA ang mga ARAL na ITO. At dahil diyan ay NAGKAKATOTOO ang pahayag sa 2 Pedro 2:12: "Ang mga taong ito ay KUMUKUTYA ng mga bagay na HINDI NILA NAIINTINDIHAN."

May isa nga riyan na panay ang BATIKOS at KUTYA sa KRUS ni KRISTO at sa pagku-krus. Sukdulan ang KALAPASTANGANAN niya nang sabihin pa niya na ang KRUS ay SIMBOLO ng DIABLO.

Ngayon, kung babasahin lang natin ang Bibliya ay PURO MABUTI at MALUWALHATI ang sinasabi tungkol sa KRUS. Kaya mag-ingat tayo sa mga ganitong tao. Malaki ang peligro na isa siyang HUWAD NA PROPETA.

+ + +

Para sa marami, MAHIRAP matukoy ang isang HUWAD NA PROPETA. Tulad na nga kasi ng sinabi ni Hesus, ito ay NAKADAMIT TUPA. (Mt 7:17)

Sabi pa nga sa 2 Corinthians 11:14-15, "Mismong si Satanas ay nag-aanimo ANGHEL NG LIWANAG. Hindi na kagulat-gulat kung ang mga ALIPIN NIYA ay MAG-ANIMO ALIPIN ng KATUWIRAN."

Pero ayon sa Bibliya, ang ilan dito ay "GAGAWA ng KAMANGHA-MANGHANG mga TANDA at HIMALA." (Mt 24:24)

Ang iba ay magsasabi na "MALAPIT NA ANG WAKAS." (Luke 21:8)

Sa Roma 16:18, sinasabi na ang mga ito ay GAGAMIT ng "MAGAGANDANG PANANALITA" para LINLANGIN ang mga "WALANG ALAM" o "WALANG MALAY."

Ayon sa Colosians 2:4 may mga MANLILINLANG gamit ang "MAGAGANDANG SALITA" o "ARGUMENTO."

Sinasabi ng 2 Corinthians 11:4 na "MAGTUTURO [sila] ng KRISTO na IBA sa KRISTO na IPINAHAYAG" mula pa noong unang siglo. Kaya nga MAHALAGA na ALAM natin ang ARAL tungkol kay Kristo MULA pa NOONG UNA.

Ang pinakamahahalagang tanda ay INAANGKIN LANG NILA na SILA ay SUGO at HINDI SILA KASAPI sa IGLESIA ng KATOTOHANAN na ITINATAG ni KRISTO.