September 8, 2003
BIGYANG daan po muna natin ang aking taos-pusong pasasalamat sa
lahat ng nagti-text para magbigay suporta at lakas ng loob sa ating munting
gawain.
Uunahin ko po si Liwayway Lipata na isa pong teacher sa Tondo High
School.
Hindi lang po sumusubaybay si Ma’am Liwayway, tumutulong pa siya
sa PAGPAPAKALAT ng KATOTOHANAN ukol sa pananampalataya. Ito ay ginagawa niya sa
pamamagitan ng pagpapakilala sa ating column sa kanyang mga estudyante at
kakilala.
Maraming-maraming salamat po, Bb. Lipata.
u u u
Ganito naman ang text sa atin ni Orlan ng Bicol, "Salamat sa
mga paliwanag sa iyong ‘Tumbukin Natin.’ Sana ay palagi kang patnubayan ng
Espiritu ng Diyos upang madala mo sa liwanag ang mga taong nadirimlan.
Kaligayahan at karangalan ko po na makatulong.
Magpapasintabi lang po ako sa ilang Katoliko na nagre-react dahil
tila "bago" at "kakaiba" sa kanila ang nababasa nilang
paliwanag ko rito.
Baka mapansin po ninyo na mas tinututukan natin ang mga sinasabi
ng Bibliya kaysa mga pangkaraniwang pahayag ng mga pinuno sa Iglesia.
Tinitiyak ko sa inyo na PAREHO ang punto o kahulugan ng sinasabi
ko rito sa aking column at sinasabi ng Katesismo ng Iglesia.
Mas tumututok tayo sa mga sinasabi ng Bibliya para patunayan sa
iba na NAKABATAY sa KASULATAN ang mga PANINIWALANG KATOLIKO.
Salamat po uli, maging sa mga taong hindi ko pa nababanggit ang
pangalan sa column na ito.
u u u
Sagutin naman natin ang tanong ni Henry Moreno ng Parang,
Maguindanao.
Salamat sa text mo, Henry. Natutuwa akong mabasa na taga Parang
ka. Noon kasing nag-aaral pa ako sa seminaryo sa Notre Dame University sa
Cotabato City ay diyan kami sa pantalan ng Parang bumababa galing sa Manila.
Heto po ang tanong ni Henry, "Bro. Cenon, salamat sa mga
matatalinung sagot mo. Tanung uli ako: Bakit sa Juan l9:26 tinawag ni Jesus na
"GINANG" si Maria at hindi "Inay?"
Magandang tanong.
Una, sa pag-intindi sa mga Kasulatan, mahalaga na maintindihan
natin ang KONTEKSTO ng binabasang talata.
Sa Bibliya, ang KONTEKSTO ng isang talata ay ang
"kalagayan" o "setting" noong ito ay isulat.
Kung papansinin natin, Henry, MAY PAGKAKAIBA ang PRESENTASYON kay
Hesus sa apat na EBANGHELYO.
Sa Matthew, Mark at Luke, si Hesus ay ipinapakita bilang KATUPARAN
ng mga HULA at PAHAYAG ng Old Testament.
Pansinin mo na sa Matthew, sinimulan ang Ebanghelyo sa paglalahad
ng "family tree" ni Hesus. Gusto kasing ipakita ni Matthew na si
Hesus ay galing sa LAHI ni DAVID at ni ABRAHAM.
Sinasabi kasi ng kasulatan na ang KRISTO o TAGAPAGLIGTAS ng mga
Hudyo ay MANGGAGALING sa lahi ni David, ang dakilang hari ng mga Israelita.
Mahalaga rin na maipakita na si Hesus ay galing sa lahi ni Abraham
dahil ito ang AMA ng bayan ng mga HEBREO.
Kaya nga sa buong aklat ni Matthew ay maraming
"reference" sa Old Testament.
Bakit ganito ang emphasis o focus ni Matthew? Ito ay dahil sinulat
niya ang Ebanghelyo niya PARA SA MGA HUDYO, ISRAELITA o mga HUDYO.
Ang purpose naman ng pagkasulat ni Mark at Luke ng kanilang
Ebanghelyo ay para patunayan ang PAGKAKATAWANG TAO ng MESIAS o ng MANUNUBOS na
si Hesus.
Kay Luke nga ay malaki ang focus sa PAGBUBUNTIS ni Maria kay Hesus
at sa PAGKAKAPANGANAK sa Kristo.
Noon kasing sulatin ni Luke ang kanyang Ebanghelyo ay marami ang
AYAW MANIWALA na TAO RIN si Hesus. IGINIGIIT ng ilan na DIYOS LANG si Kristo.
Karamihan kasi ng nagbasa ng sinulat ni Luke noong panahon na iyon
ay magkahalong HUDYO at GRIEGO, partikular ‘yung mga NASA LABAS ng ISRAEL.
Sa John ang dahilan ng pagkakasulat ng Ebanghelyo ay IPAKITA ang
DIVINE ORIGIN o PAGKA-DIYOS ni Kristo.
Kaya nga sa John 1:1 pa lang ay sinasabi na, "Sa pasimula ay
ang SALITA, at ang SALITA ay KASAMA ng DIYOS, at ang SALITA AY DIYOS."
Sinulat kasi ni John ang kanyang Ebanghelyo para sa mga GRIEGO na
malaki ang paniniwala sa SALITA o LOGOS bilang Diyos.
At dahil DIYOS ang pagpapakilala kay Hesus sa Ebanghelyo ni John,
natural lang na HINDI BINIGYANG DIIN ang mga RELASYON Niya sa mga tao.
‘Yan ang dahilan kung bakit imbes na tawaging "Inay" o
"Nanay" ni Hesus si Maria ay "GINANG" o "BABAE"
ang tawag Niya sa ina.
Pero HINDI nito PINABABABA ang KALAGAYAN ni Maria.
Sa Griego, ang salitang ginamit ay "GYNAI" ay
nagpapahayag ng paggalang sa isang babae although WALANG RELASYON na
ipinahahayag.
Nagpapakita lang ito ng pagiging "detached" ni Hesus sa
mga tao dahil ang layunin ng Kanyang pagiging tao ay ang TUPARIN ang kalooban
ng Ama.
Sabi nga ni Hesus sa John 6:38, "Dahil ako ay bumaba galing
sa langit hindi para gawin ang aking kalooban KUNDI ANG KALOOBAN NG NAGSUGO SA
AKIN." At ‘yon ang Ama.
‘Yon lang ‘yon, Henry. Salamat sa tanong.
may mababasa ba sa biblia na nagkatawang tao ang Kristo?
ReplyDeleteMeron po kapatid, paki basa juan 1:14
DeleteMaraming salamat sa maliwanag na paliwanag broder cenon. Sana maraming magising sa katotohanan sa malinawa mong paliwanag.Purihin ang Diyos magpakailan pa man...
ReplyDeleteHindi ako kumbinsido sa paliwanag. Kung totoong hinubad or nakatawang tao ang dios. Lalabas na sya ay mapagkunwari. Which is di katangap tangap ng Sino man sa kung ano ang pagpapakilala ng mga propeta kung ano ang dios. Ang DIOS ay di sinungaling at artista. Kaya malabo iyang aral na yan. Lumalabas tuloy na bastos si kristo sa kanyang ina. Na sasalungat sa sampong utos sa old testament na mahalin ang magulang.
ReplyDeleteBro Hindi mo naiintindihan Ang talinghaga
Deleteako rin medyo hindi satisfied sa paliwanag mo brod...sana ma tumbok mo kung bakit tinawag ni Jesus si Maria na babae kung sa english woman....bakit hindi mother.?
ReplyDelete